Plaas Voorman - Free State

SUMMARY:
-

POSITION INFO:

Oor die Pos:

Aspire Recruiting tree op namens 'n uiters gevestigde en suksesvolle gemengde boerdery in die Vrystaat. Ons is op soek na 'n ervare, hardwerkende en betroubare Plaasvoorman met 'n sterk meganiese agtergrond om by hul span aan te sluit. Die suksesvolle kandidaat sal 'n sleutelrol speel in die daaglikse operasionele bestuur van die plaas, met 'n spesifieke fokus op beeste en besproeiingsgewasse.

Hierdie is die ideale geleentheid vir 'n praktiese man wat daarvan hou om met sy hande te werk, probleme op te los, en eienaarskap van sy verantwoordelikhede te neem, moet sterk meganiese agtergrond hê.

Sleutel Verantwoordelikhede:

• Dag-tot-dag Bestuur: Beplanning, koördinering en uitvoering van die daaglikse operasionele bedrywighede op die plaas.

• Beeskuddebestuur: Oorkoepelende bestuur van die beeskudde, insluitend gesondheid, voeding, weidingsbestuur en teling.

• Gewasverbouing: Praktiese bestuur van mielie-verbouing asook die plant en instandhouding van aangeplante weiding onder besproeiing.

• Besproeiingsbestuur: Monitering en instandhouding van besproeiingstelsels om optimale waterverbruik en gewasgroei te verseker.

• Meganiese Instandhouding: Algemene instandhouding, diens en basiese herstelwerk van plaastoerusting, trekkers, implemente en infrastruktuur.

• Brandbestuur: Beplanning, implementering en bestuur van brandvoorkomingstrategieë (bv. maak van voorbrande) en brandbestryding wanneer nodig.

• Personeeltoesig: Daaglikse taaktoewysing en toesighouding oor algemene plaaswerkers.

• Algemene Pligte: Enige ander ad-hoc boerderypligte soos van tyd tot tyd deur die eienaar/bestuur verlang.

Vereistes vir die Rol:

• Minimum 5 jaar bewese ondervinding in 'n Plaasvoorman of soortgelyke bestuursposisie op 'n gemengde boerdery.

• 'n Sterk meganiese agtergrond en tegniese aanleg is ononderhandelbaar.

• Praktiese kennis van beeskuddebestuur.

• Ervaring in die verbouing van gewasse (spesifiek mielies) en aangeplante weiding onder besproeiing.

• Uitstekende probleemoplossingsvaardighede en die vermoë om onafhanklik te werk.

• Streng werksetiek met 'n klem op netheid en eerlikheid in alle aspekte van die werk.

• Goeie menseverhoudinge en basiese personeelbestuursvaardighede.

• Geldige bestuurslisensie.

Hoe om aansoek te doen: Doen asseblief direk via hierdie platform aansoek deur u mees onlangse CV op te laai. Let wel: Aspire Recruiting hanteer alle aansoeke met die hoogste vlak van vertroulikheid. Slegs kandidate wat op die kortlys geplaas word, sal gekontak word.