Hoof Uitvoerende Beampte

SUMMARY:
Inleiding:
'n Gediversifiseerde landbougroep met grootskaalse eierproduksie, pluimvee-groei eenheid, wildboerdery, hervestiging van 'n vee-voerkraal en kommersiële eiendomsbesit is opsoek na  'n ervare en gedrewe Hoof Uitvoerende Beampte (HUB). Die besighede funksioneer oor verskeie plekke in Klerksdorp, Kroonstad en omliggende streke, ondersteun deur sterk finansiële grondslag en gevestigde operasionele stelsels. Die HUB sal strategiese rigting gee, volhoubare groei verseker, toesien oor alle operasionele eenhede, besigheidsinfrastruktuur vestig, en die groep se lang bestaande reputasie binne die Suid-Afrikaanse pluimveebedryf handhaaf.

Pos doelwit:
Om die hele groep se bedrywighede te lei, en operasionele uitnemendheid, langtermynwinsgewendheid en strategiese groei te verseker.  Die HUB is verantwoordelik vir die volle toesig oor alle plase, produksie-eenhede, kommersiële eiendomme, finansiële stelsels, personeelstrukture en uitbreidingsprojekte. Direk aan die Raad/Besturende Direkteur rapporteer, sal die HUB prestasie dryf, senior leierskap oor alle entiteite bestuur, en verseker dat die groep sy sterk posisie as 'n toonaangewende speler in die bedryf behou.

POSITION INFO:
VEREISTES
Minimum onderwys (noodsaaklik):

• Nasionale Senior Sertifikaat
• Baccalaureusgraad in Landbou, Besigheidsbestuur, Produksiebestuur, of soortgelyk (noodsaaklik)
• Nagraadse kwalifikasie (MBA/MPM) sal 'n voordeel wees

• 10 –15+ jaar senior bestuurservaring
• Ten minste 5 jaar op uitvoerende vlak
• Pluimvee-, landbou-, FMCG- of grootskaalse produksie-ervaring in 'n verwante omgewing (sterk voordeel)

• Uitvoerende leierskap oor verskeie besigheidseenhede
• Hoëvlak operasionele en produksiebestuur
• Menseleierskap en bestuur van senior spanne
• Besigheidsuitbreiding, kapitaalbeplanning en projekbestuur
• Finansiële toesig, begroting, kontantvloei en verslagdoening
• Voorsieningsketting, kliënteverhoudinge en strategiese onderhandelinge
• Bate-/fasiliteit-/eiendomsbestuur
• Risikobestuur, nakoming en korporatiewe bestuur 

• Sterk strategiese visie en die vermoë om langtermyn besigheidsplanne uit te voer
• Uitstekende leierskap-, kommunikasie- en spanbouvaardighede
• Diep begrip van landbouproduksie, verkieslik pluimvee
• Sterk finansiële en kommersiële insig
• Effektiewe probleemoplossing en besluitnemingsvermoë
• Vermoë om verskeie entiteite met komplekse operasionele behoeftes te bestuur
• Uitsonderlike organisatoriese vaardighede en 'n hoë vlak van aanspreeklikheid

• Vaardig in Afrikaans en Engels
• Geldige bestuurslisensie en eie betroubare vervoer
• Bereidwilligheid om tussen plase en operasionele plekke te reis

• Lei langtermyn strategiese beplanning en besigheidsontwikkeling.
• Identifiseer geleenthede vir uitbreiding, diversifikasie en operasionele verbeterings.
• Verseker dat die groep sy sterk markteenwoordigheid en bedryfsreputasie behou.
• Dryf innovasie in eier- en pluimveeproduksie, boerderybedrywighede en besigheidsstrukture

• Hou toesig oor alle eierproduksie, kuiken groei-eenhede, boerderybedrywighede en
• verwante fasiliteite.
• Verseker dat produksiedoelwitte en kwaliteitsstandaarde oor alle terreine bereik
• word.
• Versterk en verseker bio-sekuriteit, veiligheid en operasionele doeltreffendheid.
• Implementeer stelsels en tegnologie om deurlopende verbetering te ondersteun.

• Lei en mentor alle senior bestuurders en administratiewe hoofde regoor die groep.
• Verseker effektiewe HR-beplanning, personeelstrukture, opvolgbeplanning en
• prestasiebestuur.
• Bou 'n sterk, gedissiplineerde en resultaatgedrewe leierskapskultuur. 

• Handhaaf die groep se konserwatiewe en sterk finansiële posisie.
• Verseker akkurate finansiële beheer, verslagdoening, begroting en kostebestuur.
• Hou toesig oor kapitaalbeleggings, kontantvloeibeplanning en batebenutting.
• Handhaaf bestuur-, nakomings- en risikobestuursstandaarde. 

• Hou toesig oor alle kommersiële eiendomme, hangars, plaasinfrastruktuur, toerusting
• en voertuie.
• Verseker effektiewe instandhouding, sekuriteit en bateoptimalisering.
• Lei groot kapitaalprojekte, insluitend nuwe geboue, pakhuise, kantooruitbreidings en
• nuwe produksie-eenhede.
• Bestuur toekomstige boerdery-uitbreidings en langtermyn-infrastruktuurontwikkeling.